"Liverpul" "Real" futbolchisi uchun rekord summa taklif qilgani ma'lum bo'ldi

Manba bergan xabarga ko'ra, yozgi transfer oynasining so'nggi kunlarida "Liverpul" "Real" yarim himoyachisi Federiko Valverdeni o'z safiga qo'shib olishi mumkin edi.

"Qizillar" o'rta chiziqni kuchaytirishga astoydil harakat qildi va yakunda "Yuventus"klubidan ijaraga olingan Artur Meloni tanladi. Braziliyalik futbolchini taklif qilishdan oldin, "Liverpul" yanada yuqori darajadagi kelishuvni amalga oshirishi mumkin edi. Diario AS xabariga ko'ra, yozgi transfer oynasi yopilishiga ikki kun qolganda "Liverpul" "Real" bilan bog'lanib, Federiko Valverde uchun 100 million evro taklif qildi, ammo "qaymoqranglilar" urugvaylik futbolchini qo'yib yubormadi.

"Liverpul"ning bugungi kundagi eng qimmat xaridi 2018 yilning yanvarida "Sautgempton"dan 84,6 million evroga sotib olingan Virjil van Deyk bo'ldi.