"Real" "Napoli"ning gruziyalik futbolchisini qo'lga kiritmoqchi

"Napoli"ning hujumkor yarim himoyachisi Xvicha Kvaratsxeliya "Real" e'tiborini tortdi. "Qaymoqranglilar" neapolitanliklar klubiga yangi kelgan futbolchining muvaffaqiyatli o'yinidan hayratda va 21 yoshli futbolchini qo'lga kiritmoqchi.

Fichajes nashrining fikricha, "qirollik klubi" joriy mavsumda ham gruziyalik futbolchining o'yinini kuzatishda davom etadi. Madridning “Real” klubi kelasi yozda Kvaratsxeliyaga taklif bilan chiqishni rejalashtirmoqda. Madridliklar Xvichani shartnomasi shu mavsum oxirida tugaydigan ispaniyalik Marko Asensioga muqobil variant sifatida ko'rmoqda.

Italiya A Seriyasining joriy mavsumida gruziyalik yarim himoyachi beshta o'yinda maydonga tushib, to'rtta gol urdi va bitta golli uzatmani amalga oshirdi.