Diego Kosta "Vulverxempton" uchun tibbiy ko'rikdan o'tmoqda

Hujumchi Diego Kosta "Vulverxempton" klubi uchun tibbiy ko'rikdan o'tmoqda. Jurnalist Fabritsio Romanoning yozishicha, agar “bo'rilar” tibbiy natijalaridan qoniqsa, ispaniyalik hujumchi klub bilan shartnoma imzolaydi.

Eslatib o'tamiz, avvalroq Kostyaga Buyuk Britaniyada ishlash uchun ruxsatnoma berilmagan, ammo "Vulverxempton" rahbariyati bu masalani hal qilishga muvaffaq bo'lgandi.

Kosta avvalroq 2014 yildan 2017 yilgacha Londonning “Chelsi” klubi safida Angliya Premer-ligasida o'ynagan. "Ko'klar" tarkibida tajribali hujumchi ikki marta Angliya chempioniga aylandi: avvaliga Joze Mourino, keyin esa Antonio Konte boshchiligida.