Xames Evropaga qaytmoqda

Hujumkor yarim himoyachi Xames Rodriges Evropaga qaytishga yaqin turibdi. Yaqin orada 31 yoshli futbolchining “Galatasaroy” safiga qo'shilishi kutilmoqda. “Sherlar” Rodrigesni ijaraga olishi mumkin. Bu taklif Qatar “Ar-Rayyan” tomonidan qabul qilingan.

Jurnalist Yagiz Sabunkuoglu ijtimoiy tarmoqda "Ar-Rayyan" va "Galatasaroy" Rodrigesning maoshini borasida kelishib olganligini yozdi. Shu tariqa uning katta qismini Qatar klubi o'z zimmasiga oladi (yiliga 6 million evroli maoshning 4 millionini "Ar-Rayyan" to'laydi).

Eslatib o'tamiz, avgust oyi oxirida Xames Rodriges “Valensiya”da o'ynash istagi borligini ochiqchasiga e'lon qilgan edi. Biroq, bu istak amalga oshmadi.