"Chelsi" qishda de Yongni o'z safiga qo'shib olishga harakat qilib ko'radi

"Chelsi" rahbarlari qishki transfer oynasida niderlandiyalik yarim himoyachi Frenki de Yongning transferi bo'yicha "Barselona" bilan muzokara o'tkazmoqchi.

Football Espana nashri xabariga ko'ra, London klubi yozda Tumanli Albionga o'tishdan qat'iyan bosh tortgan 25 yoshli niderlandiyalik futbolchini qishda qo'lga kiritish uchun yana bir urinib ko'rishga tayyor.

Eslatib o'tamiz, “Manchester Yunayted” yarim himoyachi de Yong bilan shartnoma imzolashni ham rejalashtirgandi.

Frenki de Yong yakunda Kataloniya klubida qolishga qaror qildi. Joriy mavsumda u Ispaniya chempionatida “ko'k-anorranglilar” tarkibida to'rtta o'yin o'tkazdi.