Yozgi transfer oynasida ko'p muhokamaga sabab bo'lgan, lekin yakunda amalga oshmagan 5 transfer

Evropaning "kuchli beshlik" chempionatlarida transfer oynasi yopildi, endi hisob-kitob qilish vaqti keldi. Bir qator transferlar uzoq vaqt davomida muhokama qilindi, ammo yakunda amalga oshmay qoldi. Quyida o'sha amalga oshmay qolgan transferlarni muhokama qilamiz.

Frenki de Yong

Frenki de Yongning transferi haqidagi doston may oyida boshlangan. "Manchester Yunayted"ning yangi bosh murabbiyi Erik ten Xag "Barselona" yarim himoyachisini o'zining asosiy maqsadlaridan biri deb atadi. Kataloniya klubi yarim himoyachini sotishdan juda xursand bo'lardi, chunki "ko'k-anoranglilar" ish haqini tushirishlari kerak edi. Ha, transfer tovon puli esa "Barselona"ning moliyaviy ahvoliga yordam berishi kerak edi. Transfer albatta sodir bo'ladigandek tuyuldi. OAV xabariga ko'ra, "Barselona" va "Manchester Yunayted" hatto barcha tafsilotlarni kelishib olishgandi.

Biroq, yarim himoyachining o'zi "Barselona"ni tark etishni qat'iyan rad etdi. Birinchidan, Frenki de Yong barcha ish haqi bo'yicha qarzlarni to'lashni talab qildi. Bundan tashqari, yarim himoyachi Kataloniya klubida o'ynashni va Chempionlar ligasida ishtirok etishni xohlayotgani xabar qilingandi. Qolaversa, u “Barselona”ni "Manchester Yunayted"ga almashtirishni istamadi. Kataloniya klubi futbolchiga bosim o'tkazib, shartnomani deyarli sud orqali bekor qilish bilan tahdid qildi, Xavi esa yozda uni himoya markazida o'ynatgan va futbolchi Eahon chempionati arafasida zaxiraga tushishi mumkinligiga sha'ma qilgandi. De Yongga "Chelsi" qo'ng'iroq qildi, "Bavariya" qiziqish bildirdi. Ammo, yakunda niderlandiyalik futbolchi o'zi so'zida turib oldi va "Kamp Nou"da qoldi.

Bernardu Silva

O'z navbatida "Barselona"ning o'zi ham moliyaviy muammolarga qaramay kuchli transfer kampaniyasini o'tkazdi. Biroq kataloniyaliklar bitta maqsadga erisha olishmadi. Xavi Bernardu Silvani o'z jamoasida ko'rishni juda xohladi, portugaliyalik futbolchining o'zi esa "Manchester Siti"ni Kataloniya klubiga o'zgartirishga qarshi emasdi. Yarim himoyachi Angliyada o'zini noqulay his qilayotganini tan oldi.

Biroq, bu transfer so'nggi daqiqalarda amalga oshmay qoldi. "Barselona" Bernardu Silvani moliyaviy tomondan ko'tara olmadi. Kataloniyaliklar transferlar va maoshlar uchun katta mablag' sarflab, jamoada bo'lgan futbolchilardan qarzlari bor bo'lsa-da, bu yozda qanday qilib o'z tarkibini kuchli tarzda yangilashga muvaffaq bo'lgani ko'pchilik uchun sir bo'lib qolmoqda. Katta ehtimol bilan "Barselona" keyinchalik Silva transferi muhokamasiga qaytadi, portugaliyalik esa "Manchester Siti"da qoldi.

Krishtianu Ronaldu

Portugaliyalik futbolchi bor kuchi bilan "Manchester Yunayted"dan Chempionlar ligasida o'ynaydigan jamoaga o'tishga oshiqdi. Ronalduning agenti Jorje Mendesh Evropaning deyarli barcha yirik klublari bilan aloqada bo'ldi. Umuman olganda, "Manchester Yunayted" portugaliyalik futbolchini qo'yib yuborishga qarshi emasdi, ammo ular qandaydir adekvat tovon olishni xohlashdi. Xabar qilinishicha, "qizil iblislar" hattoki, forvard 2023 yilning yozida yakunlanadigan amaldagi shartnomasini uzaytirsa, Ronalduni mavsum uchun ijaraga berishga ham tayyor edi.

"Bavariya" jamoadagi muhitni buzishi mumkin bo'lgan portugaliyalik futbolchi bilan tavakkal qilishni istamadi. Tomas Tuxel "Chelsi" tizimida Ronalduni ko'rishni xohlamadi. "Atletiko" yo pul topa olmadi yoki "Real Madrid" sobiq futbolchisining kelishiga keskin qarshi bo'lgan muxlislar bilan kelishishni istamadi. “Napoli” varianti ham amalga oshirilmadi. Shu tariqa Ronaldu "MYu"da qoldi va endi biz uni Evropa Ligasidagi debyutini kuzatamiz.

Milan Shkrinyar

"PSJ" deyarli butun yoz davomida "Inter"ning slovakiyalik himoyachisi o'z safiga qo'shib olish uchun tinim bilmadi. Parijliklar himoyani kuchaytirishni xohlashdi, Milan Shkrinyar esa ajoyib variantga o'xshardi. Bir muddat transfer amalga oshadigandek tuyuldi. "Inter" uning o'rniga "Torino" himoyachisi Bremerni olib kelishni va slovakiyalik futbolchini o'rnini egallashi kerak edi, uning transferi kelishib olishga yaqin edi. Biroq, braziliyalik futbolchi oxir-oqibat klubini o'zgartirdi, ammo Turinda qoldi. Matteys de Ligtni sotib yuborgan "Yuventus" Bremer bilan shartnoma imzoladi.

Shundan so'ng, bozorda uning o'rniga o'rinbosar topish qiyin bo'lishini tushungan "Inter" o'zining eng yaxshi himoyachisi bilan xayrlashish niyatida emasligini ma'lum qildi. Bunday vaziyatda milanliklar Shkrinyarni Skudettoni qaytarishga yordam beradi va "neradzurrilar" "o'lim guruhi"ga tushib qolgan Chempionlar ligasida yaxshi o'yin ko'rsatadi, degan umidda uni saqlab qolishni afzal ko'rdi. "PSJ" esa yakunda taqdirda tan berdi.

Yuri Tilemans

Belgiyalik futbolchining yozda top-klubda o'ynashi kutilgandi, ammo u "Lester"da qoldi. Shu bilan birga, hamma narsa Tilemansning yashash uchun ruxsatnomasini o'zgartirishi kerakligini ko'rsatdi. U 25 yoshda, u "tulkilar" darajasidan o'tib ketdi va uning klub bilan shartnomasi keyingi yozda tugaydi. Tilemansga talab bor edi. Unga "Arsenal" qiziqish bildirayotgani haqida xabarlar paydo bo'ldi va "Manchester Yunayted" uni yarim himoyachi sifatida ko'rib chiqdi. "Real" haqida hatto kutilmagan mish-mish tarqaldi.

Boshqa tomondan, Tilemans ideal vaziyatga tushib qolgan bo'lishi mumkin, chunki endi u o'z kelajagini o'zi hal qiladi. Belgiyalik futbolchi 1 yanvar kuni istalgan klub bilan shartnoma imzolashi mumkin. To'g'ri, qishda "Lester" uni qaergadir sotishi ehtimoldan xoli emas, ammo bu yozda olishi mumkin bo'lgan pulga nisbatan juda kam bo'ladi.