Rasman! "Barselona" himoyachisi "Milan"ga ijara asosida ko'chib o'tdi

"Barselona"ning o'ng qanot himoyachisi Serjino Dest "Milan" jamoasiga o'tdi.

Klublar futbolchining bir mavsumlik ijarasi borasida kelishuvga erishdi. "Milan" himoyachining maoshini to'laydi. Futbolchini keyinchalik sotib olish optsiyasi 20 million evroni tashkil qiladi, ammo bu majburiy emas.

"Barselona"da Xavi Destga ishonch bildirmadi. O'tgan mavsumdayoq murabbiy futbolchiga hech qanday istiqbol ko'rmayotganini ma'lum qilgandi.