"Manchester Siti" futbolchisi Italiya klubiga ko'chib o'tdi

Frantsiyalik yarim himoyachi Klaudio Gomes “Manchester Siti”dan Italiya B Seriyasida o'ynayotgan “Palermo” klubiga o'tdi, deya xabar beradi “shaharliklar” rasmiy sayti.

22 yoshli yarim himoyachi "PSJ" va "Manchester Siti" yoshlar jamoalarida to'p surgan. “Shaharliklar”ning asosiy jamoasida uchta uchrashuvda ishtirok etdi. Transfermarkt portali futbolchini 1 million evroga baholamoqda.

"Palermo" 2019 yilda bankrot deb e'lon qilindi, yangi jamoa Italiya D Seriyasida o'ynashga majbur bo'ldi. O'tgan mavsumda jamoa C Seriya pley-off bosqichida g'alaba qozondi va V Seriyaga yo'l oldi.