Rasman! "Chelsi" o'z yarim himoyachisini A Seriya klubiga ijaraga berib yubordi (foto)

"Chelsi" yarim himoyachi Itan Ampaduni Italiyaning "Spetsia" jamoasiga ijaraga yubordi. Bu haqda London klubi o'zining rasmiy sahifasida ma'lum qildi.

Xabarga ko'ra, ijara 2022/2023 yilgi mavsum oxirigacha amal qiladi. Uelslik futbolchi o'tgan yilni Italiyaning "Venetsiya" klubida o'tkazdi va u erda markaziy yarim himoyachi sifatida 29 ta o'yinda maydonga tushdi. "Venetsiya" 2021/2022 yilgi mavsum oxirida A Seriyani tark etdi.

Umuman olganda, Ampadu 2017 yilning iyulida "Ekseter Siti"dan London klubiga o'tganidan beri "Chelsi" tarkibida 12 ta o'yinda maydonga tushgan. Futbolchining debyuti Liga kubogi doirasidagi "Nottingem Forest" bilan o'yinda sodir bo'ldi, bu o'yinchi jamoaga qo'shilganidan ikki oy o'tib bo'lib o'tdi.