"Chelsi" Zakariya borasida "yuventus" bilan muzokara olib bormoqda

"Chelsi" "Yuventus" bilan shveytsariyalik yarim himoyachi Denis Zakariyani sotib olish borasida muzokaralarga kirishdi.

Italiyalik jurnalist Fabritsio Romanoning ijtimoiy tarmoqlardagi sahifasida xabar berishicha, londonliklar futbolchini keyinchalik sotib olish imkoniyati bilan ijaraga olishmoqchi.

Eslatib o'tamiz, "aristokratlar" o'z jamoasining markaziy chizig'ini kuchaytirishga harakat qilmoqda. Ilgari ular "Ayaks" yarim himoyachisi Edson Alvaresni 50 million evroga sotib olmoqchi bo'lishgan, ammo amsterdamliklar meksikalik futbolchi bo'yicha hozircha aniq javob bermagan.

Italiya A Seriyasining o'tgan mavsumida Zakariya "Yuventus" safida to'qqizta uchrashuv o'tkazdi va bitta gol urdi hamda bitta golli uzatmani amalga oshirdi. Joriy mavsumda shveytsariyalik yarim himoyachi ikki marta maydonga tushdi.