Tuxel yana Ronalduning xizmatidan voz kechdi

"Chelsi" bosh murabbiyi yana "Manchester Yunayted" hujumchisi Krishtianu Ronalduning xizmatlaridan voz kechdi.

The Athletic nashri xabariga ko'ra, portugaliyalik agent Jorje Mendesh yana o'z mijozini "ko'klar"ga taklif qilgan, ammo qaror qabul qiluvchi Tuxel o'z pozitsiyasida qat'iy turib oldi.

Eslatib o'tamiz, Ronaldu hamon "Manchester Yunayted"ni tark etmoqchi, "Chelsi" esa 20 million evro evaziga "Leypsig"ga o'tgan Timo Vernerning o'rniga yangi hujumchi qidirmoqda.

Ronaldu o'tgan mavsumda APLda 18 ta gol urdi. Oxirgi ikki o'yinda portugaliyalik "Manchester Yunayted"ning asosiy tarkibida maydonga tushmadi.