"PSJ" futbolchisiga "Valensiya" qiziqish bildirmoqda

"PSJ" yarim himoyachisi Yulian Draksler transfer oynasi yopilguniga qadar klubini o'zgartirishi mumkin. Jurnalist Adrien Grene xabariga ko'ra, futbolchiga Jennaro Gattuzo boshchiligidagi "Valensiya" qiziqmoqda.

Qayd etilishicha, transferning amalga oshishi hozircha futbolchining maosh bo'yicha talablari tufayli murakkab ko'rinmoqda. Katta ehtimol bilan germaniyalik futbolchiga maoshning katta qismini "PSJ" to'lash sharti bilan bir yillik ijaraga ketishi mumkin.

Eslatib o'tamiz, avvalroq Draksler ham "PSJ" bilan shartnomani bekor qilishdan bosh tortgan edi.