Klyuyvertning "Fulxem"ga ko'chib o'tishi barbod bo'ldi

Londonning “Fulxem” klubi “Roma”ga tegishli bo'lgan niderlandiyalik hujumchi Jastin Klyuyvertni o'z safiga qo'sha olmadi. Bu haqda The Athletic nashri xabar bermoqda.

Manba bergan xabarga ko'ra, 23 yoshli futbolchiga Buyuk Britaniyada ishlash uchun ruxsatnoma berilmagani uchun kelishuv amalga oshmagan.

O'tgan mavsumda Jastin Frantsiyaning “Nitstsa” klubida ijara asosida o'ynadi. Hujumchi jamoa safida 31 ta uchrashuvda ishtirok etib, 6 ta gol urgan va 7 ta golli uzatmani amalga oshirgan.

Qo'shimcha qilamizki, Jastin afsonaviy hujumchi Patrik Klyuyvertning o'g'li.