Rasman! "MYu" va "Ayaks" Antoni borasida kelishuvga erishdi (foto)

"Ayaks" yarim himoyachisi Antoni "Manchester Yunayted"ga o'tdi.

Ikkala klub ham 22 yoshli vingerni transfer qilish bo'yicha kelishuvni tasdiqladi.

Bitim 95 million evroni tashkil qiladi, yana besh millioni bonus sifatida taqdim etiladi.

Yaqin orada braziliyalik futbolchi tibbiy ko'rikdan o'tadi va "Manchester Yunayted" bilan 2027 yilgacha uzaytirish imkoniyati bilan shartnoma imzolaydi.

Antoni oxirgi marta 14 avgust kuni maydonga tushdi. Niderlandiya chempionatining joriy mavsumidagi 2 ta o'yinda uning hisobida 1 ta gol va 2 ta golli uzatma bor.