"Barselona" Obameyangning transferini bugun hal qilmoqchi

Kataloniyaning “Barselona” klubi Per-Emerik Obameyangni Londonning “Chelsi” klubiga sotish bo'yicha kelishuvni bugun yakunlamoqchi. Bu ESPN nashri tomonidan tasdiqlangan.

Eslatib o'tamiz, "Chelsi" bosh murabbiyi Tomas Tuxel shaxsan o'zi Timo Verner o'rniga ideal hujumchi sifatida ko'rayotgan gabonlik futbolchiga qiziqmoqda. "Barselona" sotuvga ochiq, ammo talab qilinadigan 30 million evro hozircha shartnomani qiyinlashtirmoqda.

Ikkala tomon ham kelishuvni imkon qadar tezroq tugatishni xohlaydi. Bugun klublar kelishuvga erishishga harakat qiladigan muhim uchrashuv bo'lib o'tadi.

Eslatib o'tamiz, Obameyang 2018 yildan buyon o'ynab kelayotgan "Arsenal"ni shu qishda tark etgandi.