"Chelsi" futbolchisi ushbu transferni yakunlash uchun Germaniya uchib ketdi

"Chelsi" yarim himoyachisi Kallum Xadson-Odoi "Bayer"ga o'tishni yakunlash uchun Leverkuzenga uchib ketdi, deya xabar beradi jurnalist Fabritsio Romano.

Manbaga ko'ra, 21 yoshli angliyalik futbolchi keyingi mavsumni nemis klubida qaytarib sotib olish huquqisiz ijara asosida o'tkazadi.

Eslatib o'tamiz, Xadson-Odoi "Chelsi" tarbiyalanuvchisi bo'lib, u jami 126 o'yin o'tkazib, 16 gol urgan va 22 golga assistentlik qilgan. Transfermarkt portali yarim himoyachini 25 million evroga baholamoqda.

“Ko'klar” navbatdagi o'yinini ertaga, 30 avgust kuni safarda “Sautgempton”ga qarshi o'tkazadi. Uchrashuv Toshkent vaqti bilan 23:45da boshlanadi.