"Chelsi" futbolchisiga Italiya va Frantsiya klublaridan qiziqish bor

Jurnalist Janluka di Martsioning xabar berishicha, "Milan" yarim himoyachisi Temue Bakayoko shu yozda klubini o'zgartirishi mumkin.

Manba bergan xabarga ko'ra, 28 yoshli frantsiyalik futbolchiga "Lion" va "Montsa" klublari qiziqish bildirmoqda.

Eslatib o'tamiz, Temue Bakayoko "Chelsi"ga tegishli bo'lib, u 2017 yilning yozida "Monako"dan ko'chib o'tgandi. Biroq futbolchi so'nggi to'rt yilni boshqa klublar tarkibida ijara asosida o'tkazdi. Bu vaqt ichida u "Milan"dan tashqari "Monako" va "Napoli"da ham o'ynashga muvaffaq bo'ldi.

Futbolchi o'tgan mavsumda “rossonerilar” safida 18 ta o'yinda maydonga tushib, 1 ta golli uzatmani amalga oshirgan.

Transfermarkt portali frantsiyalik futbolchini 10 million evroga baholamoqda.