"Atletiko" ertaga yangi transferni e'lon qiladi

"Atletiko" "Tottenxem" himoyachisi Serxio Regilonni ijaraga olganini qachon e'lon qilishi ma'lum bo'ldi.

Jurnalist Fabritsio Romanoning tarqatgan xabariga ko'ra, ispaniyalik futbolchi ertaga ertalab Madridga etib boradi, shundan so'ng u tibbiy ko'rikdan o'tadi va shartnoma imzolaydi.

Eslatib o'tamiz, Regilon "Tottenxem" bosh murabbiyi Antonio Kontening rejalariga kiritilmagan. Ispaniyalik futbolchi uchun "Atletiko"da joy bor edi, chunki "matraschilar" Renan Lodini "Nottingem Forest" klubiga sotib olish optsiyasi bilan ijaraga bergandi.

Regilon - "Real" tarbiyalanuvchisi. "Atletiko" "Tottenxem"dan futbolchini keyinchalik sotib olish huquqini o'zida saqlab qoldi.