"Vulverxempton" shu haftada yangi hujumchini o'z safiga qo'shib oladi

"Vulverxempton" shu hafta "Shtutgart" hujumchisi Sasha Kalayjich uchun yangi taklif bilan chiqishga tayyorlanmoqda. Eslatib o'tamiz, avvalroq nemis klubi hujumchini "bo'rilar" ga 15 million evro evaziga sotishdan bosh tortgandi.

Insayder Fabritsio Romanoning fikricha, klub Kalayjichni 20-25 million evro evaziga qo'yib yuborishga tayyor. Avstriyalik futbolchining o'zi "Vulverxempton"ga o'tmoqchi, shuning uchun shaxsiy shartnoma borasida muammo bo'lmaydi.

Eslatib o'tamiz, Kalayjich Bundesliganing yangi mavsumida uchta o'yinda uchta golli uzatmani amalga oshirgan. "Vulverxempton"ga o'tishi haqidagi mish-mishlar tufayli avstriyalik futbolchi yaqinda "Kyoln" bilan uchrashuv qaydnomasidan joy olmagandi.