Rasman! "Barselona" futbolchisi Italiya chempionatiga yo'l oldi (foto)

Italiyaning "Lechche" klubi o'zining rasmiy saytida "Barselona" himoyachisi Samuel Umtitini ijaraga olinganini e'lon qildi.

28 yoshli frantsiyalik futbolchining Italiya klubi bilan kelishuvi kelasi yilning yozigacha mo'ljallangan.

O'tgan mavsumda Umtiti "ko'k-anorranglilar" safida bitta o'yinda maydonga tushgandi. "Barselona" bilan olti mavsumda himoyachi 133 uchrashuvda ikkita gol urdi va bitta golli uzatmani amalga oshirdi.

Eslatib o'tamiz, Umtiti Frantsiya terma jamoasi tarkibida 2018 yilgi Jahon chempioni hisoblanadi. Kataloniya klubi bilan birga futbolchi ikki marta Ispaniya chempioni va uch marta mamlakat kubogini qo'lga kiritgan.