«Selta» 4 yilga qamoqqa hukm qilingan futbolchini Saudiya klubiga ijaraga berdi

Ispaniyaning «Selta» klubi hujumchi Santi Mina Saudiya Arabistonining «Ash-Shabob» klubiga ijaraga berdi. "As" tarqatgan xabarga ko'ra, vigoliklar ushbu kelishuv bo'yicha 2,5 million evro daromad olishadi.

26 yoshli futbolchi shu yilning may oyida jinsiy tajovuzda ayblanib, 4 yillik qamoq jazosiga hukm qilingandi. Hozirda Sina ushbu qaror yuzasidan apellyatsiya bergan va uning natijasini kutmoqda. Apellyatsiya raqd etilsa, u qamoqqa olinadi.

Saudiya Arabistoni va Ispaniya o'rtasida jinoyatchini ekstraditsiya qilish borasida kelishuv mavjud emas. Shu bois, Santi Mina faoliyatini ushbu chempionatda daovm ettirishi mumkin.