«Real» vakillari «Lion» futbolchisi bilan muzokara o'tkazish uchun Frantsiyaga uchib ketishdi

“Lion” himoyachisi Ferlan Mendi faoliyatini “Real”da davom ettirishi mumkin, deb xabar beradi Marca nashri. 

Manbaning xabar berishicha, “qirollik klubi” vakillari 23 yoshli futbolchini transferi borasida muzokara o'tkazish uchun Frantsiya uchib ketishgan. 

Frantsiyaga madridliklar nomidan ijrochi direktor Xose Anxel Sanches va agent Yuni Kalafat ketishgan. 

Ma'lumot o'rnida, joriy mavsum Mendi “Lion” safida 41 ta o'yinda maydonga tushib, 3 ta gol va 3 ta golga hammualifflik qildi.