"Chelsi" "Milan" futbolchisiga qiziqish bildirishni boshladi

"Milan" hujumchisi Rafael Leau "Chelsi"ning asosiy transfer maqsadiga aylandi. Bu haqda Football.London nashri xabar bermoqda.

Manbaga ko'ra, portugaliyalik futbolchi bilan shartnoma imzolash tashabbuskori "ko'klar"ning bosh murabbiyi Tomas Tuxel hisoblanadi. Nemis murabbiyi joriy transfer oynasi yopilgunga qadar Leauni o'z safiga qo'shib olishni kutmoqda. Rafaelning transfer narxi 70 mln evro bo'lgani uchun inglizlar o'z futbolchilaridan birini ham shartnomaga qo'shishni o'ylamoqda. Londonliklar portugaliyalik futbolchining transferi uchun to'liq summani to'lashga tayyor emas.

Leau 2019 yilning yozidan buyon "rossonerlar" tarkibida o'ynamoqda. O'tgan mavsumda hujumchi A Seriyaning 34 o'yinida 11 gol urgan va 10 golga assistentlik qilgan.