«Barselona» Pogbaning transferi yuzasidan rasmiy taklif yubordi

«Barselona» klubi «Manchester Yunayted» yarim himoyachisi Pol Pogba uchun kurashga qo'shildi. Bu haqda Don Balon xabar tarqatdi.

Manbaga ko'ra, yozda Kataloniyani tark etishi kutilayotgan Ivan Rakitichning o'rniga "ko'k-anorranglilar" frantsiyalik futbolchini olib kelmoqchi. Ma'lumotlarga qaraganda, «Barsa» futbolchining transfer narxi borasida "MYu"ga so'rov yuborgan.

Avvalroq Pogba uchun kurashda «Real» favorit hisoblanayotgan edi. Ammo madridliklar «MYu» bilan futbolchining transfer narxi borasida kelisha olishmayapti.