Rasman! "Chelsi" yana bir xaridni amalga oshirdi (foto)

"Chelsi" o'zining rasmiy sayti orqali yarim himoyachi Chezare Kazadei bilan shartnoma imzolaganini e'lon qildi. 19 yoshli italiyalik futbolchi 6 yillik shartnoma imzoladi.

Transfermarkt portali xabariga ko'ra, "Chelsi" Kazadei uchun "Inter"ga 15 million evro to'lagan.

Aytish joizki, Chezare Kazadei "Inter"da o'smirlar va yoshlar jamoalarida to'p surgan. Yarim himoyachi "neradzurrilar" tarkibida debyut qilishga ulgurmadi, garchi o'tgan mavsumda Simone Indzagi futbolchini mashg'ulotlarga jalb qilgan bo'lsa-da.

"Chelsi"ning navbatdagi o'yini 21 avgust kuni "Lids"ga qarshi bo'ladi.