Kazemironing transferi tafsilotlari oshkor qilindi

Yaqin soatlarda "Real" va "Manchester Yunayted" Kazemironing transferini e'lon qiladi. Braziliyalik futbolchi Ispaniyadan Angliyaga ko'chib o'tadi.

Insayder Fabritsio Romano klublar o'rtasidagi kelishuv tafsilotlarini oshkor qildi. "Qizil iblislar" Kazemiro uchun "qaymoqranglilar"ga 60 million evro to'laydi. Yana 10 million madridliklar bonus to'lovlar orqali ishlab topishlari mumkin bo'ladi.

Kazemiro "Manchester Yunayted" bilan 2025/2026 yilgi mavsum yakuniga qadar shartnoma imzolaydi. U yana bir yilga uzaytirish imkoniyatini o'z ichiga oladi.

Dam olish kunlari Kazemiro ish vizasi masalalarini hal qiladi va tibbiy ko'rikdan o'tadi.

"Manchester Yunayted"ning navbatdagi o'yini 22 avgust kuni "Liverpul"ga qarshi bo'ladi.