"Real" va "Manchester Yunayted" Kazemiro borasida kelishuvga erishdi

"Real" jamoasi yarim himoyachisi Kazemiro "Manchester Yunayted"ga o'tmoqda. Jurnalist Muhammad Buxafsining tarqatgan ma'lumotiga ko'ra, klublar o'rtasidagi kelishuv allaqachon yopilgan. Yaqin orada transfer rasman e'lon qilinishi kerak.

Manbaning yozishicha, Kazemiro "Manchester Yunayted"da soliqlardan keyin yiliga 12 million maosh ishlab topadi.

Oldinroq Kazemiro "Real" futbolchilari bilan xayrlashgani haqida xabar berilgandi. Madridliklar bosh murabbiyi Karlo Anchelotti 30 yoshli braziliyalik yarim himoyachi o'z faoliyatida yangi chaqiruvni qabul qilmoqchi ekanligini aytgandi.