Lukaku "Chelsi" himoyachisini "Inter"ga chorlamoqda

"Inter" hujumchisi Romelu Lukaku "Chelsi" himoyachisi Trevo Chalobani "neradzurrilar" safiga ko'chib o'tishiga undamoqda. Bu haqda jurnalist Nizar Kinsella ijtimoiy tarmoqlarda xabar berdi.

Eslatib o'tamiz, Chaloba o'yin amaliyoti borasida muammolarga duch kelmoqda. “Lester”dan Uesli Fofana jamoaga kelib qo'shilsa, vaziyat yanada og'irlashishi mumkin. "Chelsi" o'z shogirdini bir yilga ijaraga qo'yib yuborishga tayyor, "Inter" ham bu kelishuvdan rozi.

O'tgan mavsumda Chaloba Angliya Premer-ligasida "Chelsi" safida 3 ta gol urdi. Avvalroq futbolchi Frantsiyada "Loryan" jamoasida tarkibida ijara asosida o'ynagan.