Kavani La Ligaga o'tishga yaqin turibdi

Hozirda erkin agent maqomidagi urugvaylik hujumchi Edinson Kavani Ispaniya chempionatida o'ynash imkoniyatiga ega.

AS nashrining yozishicha, “Valensiya” tajribali to'purar xizmatiga qiziqish bildirmoqda. "Ko'rshapalaklar" vakillari so'nggi bir necha kun davomida transfer bo'yicha Edinsonning agenti bilan faol bog'lanishdi.

Jamoaning yangi bosh murabbiyi Jennaro Gattuzo shaxsan Kavani bilan bog'lanib, uni "Valensiya"ga o'tishga undagan.

Edinsonning so'nggi klubi "Manchester Yunayted" edi. 35 yoshli forvard o'tgan mavsumda APLning 15 o'yinida 2 ta gol urdi.