"Real" futbolchisiga La Liganing bir nechta klublari da'vogarlik qilmoqda

Madridning "Real" klubiga tegishli braziliyalik yarim himoyachi Reyner yozgi transfer oynasi yopilgunga qadar jamoasini o'zgartirishi mumkin. Bu haqda Relevo nashri xabar bermoqda.

Manbaning ma'lum qilishicha, 20 yoshli futbolchining xizmatiga La Liganing bir nechta klublari qiziqish bildirmoqda. Gap "Almeriya", "Jirona" va "Valyadolid" haqida ketmoqda. Ushbu transferga to'siq bo'lishi mumkin bo'lgan yagona muammo - futbolchining maoshi.

Braziliyalik futbolchi so'nggi mavsumlarni Dortmundning "Borussiya" klubida ijarada o'tkazgan. Umuman olganda, yarim himoyachi 39 ta o'yinda qatnashib, bitta gol urdi va bitta golli uzatmani amalga oshirdi.

Reynerning "Real" bilan shartnomasi 2026 yilning o'rtalariga qadar amal qiladi.