Ronaldu hamon "MYu"dan ketishni o'ylab yuribdi

"Manchester Yunayted" hujumchisi Krishtianu Ronaldu hamon transfer oynasi yopilgungacha jamoani tark etmoqchi. Bu haqda jurnalist Fabritsio Romano ijtimoiy tarmoqlarida xabar bermoqda.

Qayd etilishicha, “Manchester Yunayted” hali ham Krishtianu sotilmasligini ta'kidlamoqda. Biroq, futbolchining agenti Jorje Mendesh mijozining faoliyatini davom ettirish imkoniyatlarini faol izlamoqda. Portugaliyalik futbolchi Chempionlar ligasida o'ynaydigan jamoaga o'tishdan manfaatdor.

Ronaldu o'tgan mavsumda "Manchester Yunayted" safida APLda 18 ta gol urdi. Yangi mavsum boshida klub ketma-ket ikkita mag'lubiyat alamini totib ko'rdi.