Rasman! "Manchester Siti" "Barselona" tarbiyalanuvchisini o'z safiga qo'shib oldi(foto)

"Manchester Siti" "Anderlext" himoyachisi Serxio Gomes bilan shartnoma imzolaganini e'lon qildi.

21 yoshli ispaniyalik futbolchining ingliz klubi bilan shartnomasi 2026 yilning yoziga qadar mo'ljallangan. Transfer summasi 13 million evroni tashkil qildi.

O'tgan mavsumda yosh himoyachi “Anderlext” safida 50 ta o'yin o'tkazib, 7 ta gol urdi va 15 ta golli uzatmani amalga oshirdi.

Eslatib o'tamiz, Gomes "Barselona" klubi tarbiyalanuvchisi bo'lib, uning asosiy jamoasi tarkibida bitta ham rasmiy o'yin o'tkazmagan.

“Manchester Siti” navbatdagi o'yinni 21 avgust kuni “Nyukasl”ga qarshi o'tkazadi. Uchrashuv Toshkent vaqti bilan soat 20:30da boshlanishi rejalashtirilgan.