"Tottenxem" "Roma" futbolchisidan umidini uzgani yo'q

Rimning "Roma" klubi yarim himoyachisi Nikolo Dzanolo hamon "Tottenxem"ning transfer maqsadi bo'lib turibdi. Bu haqda Calciomercato xabar bermoqda.

London klubi rahbariyati 23 yoshli futbolchi uchun 50 million evro taklif qilishga tayyor. Shu bilan birga, “bo'rilar” ustozi Joze Mourino Dzanoloning sotilishiga keskin qarshi. Portugaliyalik murabbiy yangi mavsumda Nikologa umid qilmoqda.

Yarim himoyachi Rim jamoasida 2018 yildan buyon o'ynab kelmoqda. Dzanolo rimliklar safida 111 ta o'yin o'tkazib, 22 ta gol urgan. Uning shartnomasi 2024 yilgacha mo'ljallangan.