De Yongning "MYu"ga qachon ko'chib o'tishi ma'lum qilindi

"Barselona" yarim himoyachisi Frenki de Yong tez orada "Manchester Yunayted"ga o'tadi. Bu haqda jurnalist Aleks Kruk xabar tarqatmoqda. Ushbu transfer 22 avgustgacha yakunlanadi.

Shu kuni "mankunianliklar" APLning 3-tur doirasida “Liverpul”ga qarshi bahs olib borishadi. Manbaning qayd etishicha, "Manchester Yunayted" ushbu uchrashuv oldidan niderlandiyalik futbolchi bilan shartnoma imzolaydi, bu esa Frenkida "qizil iblislar" safida debyut qilish imkonini beradi.

Erik ten Xag va Frenki de Yong "Ayaks"da birga ishlagan. Biroq, avvalroq yarim himoyachi "Chelsi"ga o'tishi yoki hatto "Barselona"da qolishi mumkinligi ham xabar qilingandi.