"Tottenxem" futbolchisi shartnoma imzolash uchun Ispaniyaga etib keldi

"Tottenxem" yarim himoyachisi Jovanni Lo Chelso o'tgan mavsumning ikkinchi yarmida ijara asosida o'ynagan "Vilyarreal" jamoasiga qaytishga juda yaqin turibdi.

Kecha insayder Fabritsio Romano klublar argentinalik futbolchining transferi bo'yicha kelishib olgani haqida xabar bergandi. Endi manbaning xabar berishicha, Lo Chelso Ispaniyaga "sariq suv osti kemasi" bilan shartnoma imzolash uchun kelgan.

Bitim yana sotib olish optsiyasi bilan ijara asosida amalga oshiriladi. Biroq, "Vilyarreal" to'liq transfer taklifini kirita olmasa, "Tottenxem" ushbu qishda shartnomani bekor qilish imkoniyatiga ega bo'ladi.

Eslatib o'tamiz, so'nggi mavsumda Lo Chelso "Vilyarreal"ga Chempionlar ligasining yarim finaliga chiqishga yordam bergandi.