Morata "MYu" uchun qanchaga tushishi ma'lum qilindi

"Manchester Yunayted" "Atletiko" hujumchisi Alvaro Morataning transferi ustida ishlashda davom etmoqda. The Athletic nashri xabariga ko'ra, futbolchi "qizil iblislar"ga 35 million evroga tushishi mumkin.

"Bolonya" hujumchisi Marko Arnautovichning transferi muvaffaqiyatsizlikka uchragach, "Manchester Yunayted" muqobil variantlarga e'tibor qaratdi. Shu sababli, "qizil iblislar" "Atletiko" qutulmoqchi bo'lgan Morataga qiziqish bildirishmoqda.

Morata so'nggi ikki mavsumni Turinning "Yuventus" klubida ijarada o'tkazdi, biroq, turinliklar so'nggi mavsum oxirida futbolchini to'laqonli raqishda sotib olmadi.

Morata 2017 yilning yozidayoq "Manchester Yunayted"da bo'lishi mumkin edi, ammo yakunda futbolchi "Chelsi"ga o'tgandi va "qizil iblislar" Romelu Lukaku bilan shartnoma imzolagandi.