"Barselona" Aspilikueta o'rnini boshqa bir London jamoasi futbolchisi bilan to'ldirmoqchi

"Barselona" yozda transferlar borasida o'ta band klubga aylangan edi. U o'z harakatlarini hali to'xtatmoqchi emas. Xabarlarga ko'ra, "Barsa" "Chelsi"dan Sesar Aspilikuetani olib kela bilmagach, endi nishonni boshqa futbolchi tomon qaratdi.

Ayni damda "Arsenal" qanot himoyachisi Ektor Belerin kataloniyaliklar radarida turibdi. Belerin o'tgan mavsumni "Betis" safida muvaffaqiyatli o'tkazgan edi.

27 yoshli futbolchi u erda Ispaniya kubogini yutishga erishgan. Belerin 2011 yilda aynan "Barselona" akademiyasidan xarid qilingan.