"Atalanta" "Chelsi" futbolchisi uchun kurashga qo'shildi

"Atalanta" "Chelsi" himoyachisi Emerson Palmerini o'z safiga qo'shib olmoqchi. Jurnalist Nizar Kinsellaning tarqatgan xabariga ko'ra, "Atalanta" futbolchi uchun "Nottingem Forest" bilan raqobatlashadi.

Eslatib o'tamiz, Emerson o'tgan mavsumni "Lion" klubi safida ijara asosida o'tkazgan va mavsum oxirida futbolchini sotib olmagandi. Endilikda himoyachining "Chelsi" tarkibida mustahkam o'rnashib olish imkoniyati yo'q, chunki uning pozitsiyasida Ben Chiluell va Mark Kukurellyalar o'ynaydi.