"Yuventus" futbolchisi "MYu"ga o'tishdan bosh tortishi mumkin

"Yuventus" yarim himoyachisi Adrien Rabo "Manchester Yunayted"ga o'tishdan bosh tortishi mumkin, deb xabar beradi La Gazzetta dello Sport.

Manba bergan xabarga ko'ra, klublar 20 million evro evaziga transfer bo'yicha kelishuvga erishgan bo'lsalar-da, 27 yoshli frantsiyalik futbolchi haligacha "Manchester Yunayted" taklifiga aniq javob bermagan.

Qayd etilishicha, yarim himoyachini 2023 yilning 30 iyuniga qadar mo'ljallangan shartnomasi yakunlangach, "Yuventus"ni tark etish imkoniyati qiziqtirmoqda.

O'tgan mavsumda Rabo turinliklar safida barcha musobaqalarda 45 ta o'yinda 2 ta golli uzatmani amalga oshirgan.