"Milan" Zieshning xizmatlaridan voz kechdi

"Chelsi" yarim himoyachisi Xakim Ziesh yozda "Milan"ga o'tmaydi. Tuttomercato nashri xabariga ko'ra, "rossonerlar" marokashlik yarim himoyachi xizmatidan voz kechgan.

Eslatib o'tamiz, avvalroq Ziesh "Milan"ning takliflarini kutishdan charchagani va agentlaridan faoliyatini davom ettirish uchun boshqa yo'llarni topishni so'ragani ma'lum bo'lgan edi.

Ushbu yozda yarim himoyachi "Ayaks" sobiq bosh murabbiyi Erik ten Xag bilan "Manchester Yunayted"da uchrashishi mumkinligi haqida mish-mishlar tarqaldi. Xakim Antonining transferi muvaffaqiyatsizlikka uchragach, "Manchester Yunayted" uchun muqobil variant bo'lib qolmoqda.

"Chelsi" bosh murabbiyi Tomas Tuxel Zieshni qo'yib yuborishga tayyor, chunki futbolchi uning rejalariga kiritilmagan.