"PSJ" va "Napoli" bugun Ruisning transferi borasida yakuniy qarorga kelishadi

"PSJ" va "Napoli" rahbarlari yaqin soatlarda Fabian Ruisning transferi bo'yicha olib borilayotgan muzokaralarni yakunlashga harakat qilishadi.

Yarim himoyachi Parij grandi bilan 5 yillik shartnomaga kelishib, "PSJ" safiga o'tishga rozi bo'ldi. Endi gap klublarda: jurnalist Matteo Morettoning so'zlariga ko'ra, payshanba kuni "PSJ" va "Napoli" o'rtasidagi muzokaralarning navbatdagi bosqichi bo'lib o'tadi, bunda tomonlar 26 yoshli futbolchining transfer shartlari bo'yicha to'liq kelishuvga erishishga harakat qilishadi.

Fabian Ruisning "Napoli" bilan amaldagi shartnomasi bir yildan keyin tugaydi, bu esa uning transfer narxini sezilarli darajada pasaytiradi. Neapolliklar safida to'rt yil to'p surgan yarim himoyachi 166 o'yin o'tkazib, 22 gol urgan va 15 golga assistentlik qilgan.