"Chelsi" futbolchisi Frantsiya klubi uchun tibbiy ko'rikdan o'tdi

"Chelsi" himoyachisi Malang Sarr "Monako" klubi uchun tibbiy ko'rikdan o'tdi. Tez orada frantsiyalik futbolchi "Monako" klubiga o'tishi e'lon qilinadi. Bu haqda jurnalist Fabritsio Romano o'zining ijtimoiy tarmoqlarida e'lon qildi.

Bitim 15 million evroga sotib olish optsiyasi bilan bir yillik ijara asosida amalga oshirilmoqda. Agar futbolchi Frantsiya chempionatida ma'lum miqdordagi o'yinlarda ishtirok etsa, bu majburiy holga aylanishi mumkin.

Sarr avval Liga 1da "Nitstsa" safida o'ynagan. Aynan shu klubdan himoyachi 2020 yilning yozida erkin agent sifatida "Chelsi" safiga qo'shilgan edi.

Eslatib o'tamiz, Sarr himoyaning markazida ham, chap qanotida ham o'ynay oladi.