"Arsenal" "Lester" futbolchisini tekinga qo'lga kiritish uchun bir yil kutishga rozi

"Arsenal" shu yilning yozida "Lester" yarim himoyachisi Yuri Tilemansni sotib olmaydi. Football London nashri xabariga ko'ra, "kanonirlar" futbolchini bir yildan so'ng tekinga o'z safiga qo'shib olishni rejalashtirmoqda.

Gap shundaki, Tilemansning "Lester" bilan shartnomasi tugashiga atigi bir yil qolgan, ammo "tulkilar" yarim himoyachini 40 million evrodan kamiga qo'yib yuborish niyatida emas. Bu narx "Arsenal"ga to'g'ri kelmaydi, shuning uchun "kanonirlar" kelasi yozgacha kutmoqchi.

Tilemansning o'zi avvalroq Mikel Artetaning jamoasiga o'tishga rozi bo'lgandi. Belgiyalik futbolchi dastlab Chempionlar ligasida ishtirok etadigan klubga o'tishni xohlagan, ammo "Arsenal" loyihasi yarim himoyachini bu holatga ko'z yumishga ko'ndirgan.