"Chelsi" e'tiborini "Seltik" himoyachisiga qaratdi

Londonning "Chelsi" jamoasi e'tiborini “Seltik” klubi va Xorvatiya terma jamoasi himoyachisi Yosip Yuranovichga qaratdi. Jurnalist Grem Beylining so'zlariga ko'ra, "ko'klar" transfer haqida jiddiy o'ylashmoqda.

Yuranovich bir vaqtning o'zida ikkita pozitsiyani yopishi mumkin. Futbolchi yarim himoyaning tayanch zonasida ham, himoyaning o'ng qanotida ham o'ynay oladi. O'tgan mavsumda 26 yoshli Yosip Shotlandiya chempionatida 3 ta gol urdi va bitta golli uzatmani amalga oshirdi.

"Inter" himoyachisi Denzel Dyumfris va "Sautgempton" futbolchisi Kayl Uoker-Piterslarning transferlari muvaffaqiyatsizlikka uchragan taqdirda, "Chelsi" Yuranovichni ular uchun muqobil variant sifatida ko'rmoqda.