Ziesh "Milan"ning taklifini kutib charchadi, u boshqa variantlarni ko'rib chiqishga tayyor

“Chelsi” yarim himoyachisi Xakim Ziesh tezroq jamoani tark etmoqchi. Jurnalist Nizar Kinsellaning so'zlariga ko'ra, marokashlik futbolchi milanliklar taklifini kutishdan charchagan, shuning uchun u o'z agentiga faoliyatini davom ettirish uchun muqobil variantlarni topishni aytgan.

Oldinroq "Chelsi" Zieshni sotib olish sharti bilan ijaraga berishga rozi bo'lgandi. "Milan" hali ham bu kelishuvga qiziqish bildirmoqda, ammo klub hali taklif bilan chiqishga tayyor emas.

Ziesh "Chelsi" bosh murabbiyi Tomas Tuxelning rejalariga kirmayapti. Germaniyalik mutaxassisi Raxim Sterlingdan tashqari klub hujum chizig'ini yana ikkita yangi o'yinchi bilan yangilamoqchi ekanligini rahbariyatga allaqachon ma'lum qilgan.