"Chelsi" Fofanadan ko'ra de Yongni sotib olishga yaqin turibdi

"Chelsi" hozir "Lester" himoyachisi Uesli Fofanadan ko'ra, "Barselona" yarim himoyachisi Frenki de Yongni sotib olish ehtimoli ko'proq. Jurnalist Ben Jeykobsning tarqatgan ma'lumotlariga ko'ra, niderlandiyalik futbolchining transferi bo'yicha muzokaralar ancha ilg'or bosqichda.

"Chelsi" xo'jayini Todd Byoli allaqachon de Yongning o'ziga qo'ng'iroq qilib, futbolchini "Stemford Brij"ga o'tishga ko'ndirgan. Biroq yarim himoyachi hozircha "Barselona"da qolish niyatida.

O'z navbatida, Fofana "Chelsi"ning navbatdagi taklifini kutmoqda. "Tulkilar" o'z futbolchisi uchun 90 million evro taklif qilishini kutishmoqda.