Manba: "Barselona" va "Manchester Siti" kelishib oldi. Transfer narxi 80 million evro

Portugaliyalik yarim himoyachi Bernardu Silva "Manchester Siti"dan "Barselona" klubiga o'tishga yaqin turibdi. City Xtra xabariga ko'ra, tomonlar muzokara olib borishgan va futbolchining transferi narxi bo'yicha kelishib olgan.

Manbaga ko'ra, Bernarduning transferi "ko'k-anorranglilar" rahbariyatiga 80 million evroga tushadi. Silvaning o'zi ham anchadan beri "Kamp Nou"ga o'tishni orzu qilayotgandi.

Shu bilan birga, agar "Barselona" Frenki de Yongni sotsa, portugaliyalik futbolchining transferini amalga oshirish mumkin bo'ladi. Futbolchiga Londonning "Chelsi" va "Manchester Yunayted" klublari da'vogarlik qilishmoqda.

28 yoshli Silva 2017 yilning iyulidan buyon «Siti» safida to'p suradi. Uning ingliz klubi bilan shartnomasi 2024/2025 yilgi mavsum oxirigacha amal qiladi.