"Chelsi" va "Arsenal"ning sobiq futbolchisi Londonning boshqa klubiga o'tishga yaqin turibdi

Braziliyalik vinger Villian Angliya Premer-ligasiga qaytishga yaqin turibdi, u avval Londonning “Chelsi” va “Arsenal” klublarida to'p surgan. Bu haqda insayder Nikolo Skira ijtimoiy tarmoqlar orqali ma'lum qildi.

Manbaga ko'ra, 34 yoshli Villianning agenti futbolchiga qiziqish bildirayotgan "Fulxem" klubi bilan muzokaralar olib borgan.

Eslatib o'tamiz, ayni paytda Villian Braziliyaning "Korintians" klubi futbolchisi hisoblanadi. Yarim himoyachi joriy mavsumda 36 ta o'yinda maydonga tushib, 1 ta gol urdi va 4 ta golli uzatmaga mualliflik qildi. Uning narxi 5,5 million evroga baholanmoqda.