"Napoli" "Tottenxem" futbolchisi uchun kurashga qo'shildi

"Napoli" "Tottenxem" yarim himoyachisi Tangi Ndombelega da'vogarlar ro'yxatiga qo'shildi.

Antonio Konte 25 yoshli frantsiyalik futbolchini asosiy tarkibda maydonga tushirishni rejalashtirmayapti, shu sababli “shporlar” futbolchi bo'yicha takliflarni ko'rib chiqishga tayyor.

Insayder Fabritsio Romanoning so'zlariga ko'ra, "Napoli" Ndombeleni o'z safiga taklif qilmoqchi. Neapolliklar yarim himoyachi uchun "Vilyarreal" klubi bilan raqobatlashishi kerak.

Tangi Ndombele o'tgan mavsumning ikkinchi yarmini ijara asosida "Lion"da o'tkazdi. Transfermarkt portali futbolchining transfer qiymatini 30 million evroga baholamoqda.