Depay "Yuventus"ga tekinga o'tishga yaqin turibdi

"Barselona" hujumchisi Memfis Depay Turinning "Yuventus" klubiga o'tishga yaqin turibdi. Italiyalik jurnalist Nikolo Skiraning yozishicha, niderlandiyalik futbolchi Massimiliano Allegri jamoasiga tekinga o'tadi.

Avvalroq, Depay "Barselona" rahbariyatidan klub uni erkin agent sifatida qo'yib yuborishini so'ragandi. Hujumchi izlayotgan Turinning "Yuventus" klubi esa vaziyatdan unumli foydalandi va endi Memfis uchun yangi klubga aylanishga tayyor.

Depay o'tgan mavsumda "Barselona" safida 12 ta gol urdi. Niderlandiyalik futbolchi Frantsiyaning “Lion” klubidan ko'chib o'tganidan bir yil o'tib jamoani tark etadi.